مش مجرد يوم لما تبقى عايش فى مجتمع زى ده 

انت بتمر بحاجات كتير فى ال 24 ساعة 

ويتزايد حجم وعدد الحاجات اللى بتشوفها طرديا مع اختلافك 

اول نصيحة اوعى تبقى مختلف او ابقى مختلف واهرب اهرب يا ياسين ربنا معاك 

يعنى ايه مختلف اكيد هاتسئل نفسك 

لا مختلف دي انك تبقى اى حاجه غير كونك ذكر مسلم سنى وحياتك بتدور حوالين الحلال والحرام بتقدس الحياة الزوجيه "قدام الناس" وبتلعن ابوها "قدام ناس تانيه " عايش مع اهلك او مع مراتك واهلاوى   

غير كده انت دخلت فى دايرة الاختلاف 

طبعا فى اختلافات بين المختلفين اصلا بس دى هابقى احكي عنها يوم تانى 

احب اعرفكم عليا 

انا ست ولادينيه شايفه ان الجواز شئ فاشل فشخ "بس الناس مش بتقول على النت " وعايشه لواحدى وكمان زملكاوية شوفتوا الهنا اللى انا فيه 

لو سألت نفسك دلوقتى" هى ليه كده" احب اقولك ماتكملش معانا هنا مش هاتتبسط

دي كانت مقدمة بسيطه جداا مرتبطة باسم المدونة 

just another day with .....

ادينا عرفنا سوا يوم تاني فين مبدئيا 

وكل يوم هانعرف يوم تانى مع ايه